Day 4 台北之旅 ♡part 1♡

今日無係飯店食早餐, 唸住瞓晏D, 打算一早直接去三越行, 跟手可以係" 勝博殿" 食我上次食唔到的日本菜, 呢個時間無咩人, 行得十分舒服, 仲好好服務TIM, 行行下比我發現原來呢度都有"台隆手創館" 如果按住D旅遊雜誌講咁去, 仲要係另一個站再行一段路, 照住行真係'行餐死', 而家係度見到, 更係行下啦! 個感覺好似行LOGON 咁, 有好多新產品及日本嘢賣, 有時間可以一行的。

到咗依肚時間lu, 無人唔駛等, 我叫咗個"腰肉豬排卷套餐" 及千層錦套餐", 而D前菜都好好味的, D 生椰菜加咗D 柚子醋, 原來好好味的, 而D芝麻自己磨完加上醬汁, 點嚟食都好好味及香呀! 兩個餐都好好味, 但兩個相比, 我覺得千層錦好味好多,有機會真係要試下呢個, 因為真係好好好好味呀! 一d都唔'鞋' 仲好鬆軟呀, 唔怪之得"芊芊媽媽" 話會番食, 當你食過後你都話會番食呀!  個千層錦係新出品, 到時唔知仲有無得食呢?

食飽後, 就行去誠品書店睇去喇! (佢距離三越唔係好遠, 行去都到, 唔使坐MTR都得)

.......................待續!