今日係端午節假期,出面一陣係到落雨,尋日已經買好晒餸,今日全日係屋企閉關..
朝早食完早餐,同悠悠一齊睇碟,睇龍貓..真係估唔到..龍貓,悠悠都可以睇到喊到豬頭咁...洗唔洗咁感性呀..
下午無無聊聊,見今日天氣又涼涼地..好..玩下酥皮先...
首先,120g高粉,加30g底粉,再加30g糖,1g鹽,10g奶粉,4g酵母,同埋10g牛油...搓到光滑..
然後發酵20分鐘,再放入雪櫃雪凍..
另外70g牛油,碌扁成長方型..雪硬..
跟住就要開行冷氣,將雪凍既麵團拎出尼,碌平,放入牛油,摺三摺,再碌,再摺三摺,再碌,再摺,再碌,今次摺四次,跟住碌平,切成三角型,卷起成牛角型..
室溫發酵至兩倍大,面搽蛋液,190度焗13-15分鐘..
一出爐...老公一口氣食左三個....我..真係而家先知..原來佢好中意食酥皮既....
雖然煩..但見佢咁中意食,真係好開心好滿足呢...
