7 型廚新店進駐尖沙咀

前陣子《Jamie's Italian》於銅鑼灣 Midtown 落戶，賣高級意菜，甫開幕，已吸引不少食客朝聖。本來筆者也很想去一湊熱鬧，不過見店子開業初期，一位難求；若 walk-in 的話，則動輒要排上一、兩個鐘，實在是有點嚇人，最後當然亦不了了之。幸好近日接獲探子回報，說位於尖沙咀海港城的新分店，地方不但企理闊落，而且更增設户外茶座及開放式 Pizza Corner，食客除了可以欣賞到廚師親製正宗薄餅的手藝外，店裡還推出咗多款全新菜式，不過最重要還是餐廳暫時尚未出現人龍，嘩！聽落好鬼吸引，就一於約埋好友齊齊到訪。



據說這間座落於海洋中心的《Jamie's Italian》，佔地約有 6 千平方呎，新店更增設多個不同區域，如酒吧區、室內區、開放式薄餅廚房及室外茶座等。甫進店已發現近門口位置呈長形的 Bar Area，這裡以高身吧檯為主，主要供應飲品和小食，而且樓底勁高，感覺開揚熱鬧。









再往前走就是偌大的室內用餐區，抬頭即可看見四面頂部牆壁畫上充滿香港情懷的 graffiti，當中包括有九龍城舊機場、漁村、帆船、獅子山、天星小輪、郵局等壁畫，藝術氣息濃厚，客人大可邊吃邊欣賞。



見水吧位旁邊的玻璃門後面坐滿人客，八卦走近一看，原來這裡設有一間 Private Room。向店員查詢，據稱這間私人廂房可容納 12 人，設最低消費，只需人均每位達 $250 即可，如果想約一大班朋友聚會的話，相信這裡會幾適合。











另外餐廳亦設有一個可以容納 70 人的室外茶座，四周種有唔少植物，感覺像家一樣舒適隨意，不過可能這天天氣較熱，所以放眼所見，人客不多。講到最值得一提的，自然是餐廳的 Pizza Kitchen，據說現時全球 50 多間 《Jamie's Italian》分店，只得 6 間設有 pizza oven可以即叫即焗 pizza，而尖沙咀店就是其中之一。



由於這天天氣實在勁熱，所以入座後已急不及待先翻閱飲品餐牌，從幾款 Non-Alcoholic Cocktails 當中點來了這款以草莓、紅莓汁、鮮檸檬及自家製熱情果糖漿調製而成的 Berry Blast ($48)，入口味道非常清新、充滿濃甜的果香，最適合女生品嘗。

食物方面，先以這客小巧的前菜蒜蓉包 ($45) 揭開序幕，成品端上桌時，第一個反應就是：「咦，咁似印度薄餅嘅？」原來據服務員稱，店裡的 Garlic Bread 是 pizza corner 的出品，屬意大利人經典小食，由於包底用了製薄餅的做法，再配上大蒜及香草牛油，所以吃起來口感會較煙韌。拿起入口，咬下質感果然柔軟帶勁，不過筆者就略嫌它鹹味過重、蒜香又不太足。

反而另一客配上香蒜蛋黃醬的脆炸大蘑菇 ($68)，味道出色。廚子先將如手掌般大的 Portobello 切成條狀，沾上麵包糠後炸脆，吃時加幾滴檸檬汁，再蘸蛋黃醬。蘑菇入口外脆內軟，咬下香濃多汁，十分 juicy，齋得嚟又唔會寡，食後感覺大滿足！



接著出場的這客是一人 portion 的醃製及香脆魚類木板佐食 (每位 $89)，原來這成品的特色在於用上木板承托食物，端上桌時再成份放在兩罐罐頭上面。見木板上的美食，款式林林總總，而且全部都的的骰骰、細細碟，初頭還差點以為自己錯手點了客 tapas 添！

數一數，成品除了有脆口的迷你酥炸鯛魚外，仲包括有幾隻鮮甜的烤澳洲青口和螄蚶、酸香的檸檬蛋黃醬、醒胃的酸瓜水欖、柔滑 creamy 但味臊的羊奶芝士、淡味又有營的紅菜頭醃製三文魚同爽口的 crunchy salad 等，全部都算幾清新，有特色。





一場嚟到，無可能唔試吓店裡的工匠薄餅，原來店子現時只得四款薄餅供應，劃一為 12 吋 size，當中包括有費倫天拿薄餅、海鮮薄餅、香港風情辣味薄餅及芝士蘑菇薄餅。依店員推介，揀咗以人手即時炮製的芝士蘑菇薄餅 ($168)，成品採用新鮮野生蘑菇配以松露奶油、車打芝士、巴馬臣芝士、煙燻水牛芝士同百里香等；入口雖然唔算脆身，但勝在帶麵粉香，咬下煙韌有致。

壓軸點了豬肉薄片伴風乾火腿 ($210) 豬肩肉以人手剁成薄片，沾上麵包屑炸香，面層撒滿風乾火腿及 fontal cheese，再配以一隻頂頭加咗黑松露的半熟太陽蛋伴吃，賣相誘人。先切開豬肉試試，肉塊由於以油炸方式處理，所以咬下稍嫌有點膩口，幸好伴吃的太陽蛋煎得剛好，雖然筆者沒試，不過見友人用叉輕輕按下蛋黃，美味的蛋漿即時流出，據說入口蛋香又帶松露香，滋味滿載。至於甜品方面，見餐牌有 Pineapple and Frozen Yoghurt，好似幾吸引，不過由於這天只有我和友人兩個，食力有限，所以甜品環節還是留待下次有緣再訪吧！

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================