今日放下晝同老公去行吓時代廣場馬拉松展銷集，睇吓有無平嘢執。行咗一輪，無乜收穫，都係時候去醫肚喇。老公話伊利莎伯大廈有間“二奶酒樓”? 吓！“二奶酒樓” ? 乜嚟? 原來老公話伊利莎伯大廈6樓有間百樂門宴會廳，裝修靚啲、有氣派啲，比較起嚟2樓呢間百里鮮就噏耷啲，所以叫呢間做“二奶酒樓”. 唓，乜唔係二奶身光頸靚啲咩？
講番嘢食，呢度星期一至五，早茶及下午茶，大中小點一律$8.8，而星期六、日及公眾假期更是全日大中小點$9.8, 超抵。野食就叫咗香煎蓮藕餅、蜂巢帶子茘茸盒、沙薑鮮雞腳、紅油抄手、燒肉生麵、鮮蝦雞包仔及原隻鮮蝦腸。除咗個
燒肉皮唔夠脆同埋個蓮藕餅煎得唔夠香口之外，啲點心大至上唔差嘅。埋單$76, 以咁嘅價錢食一餐，都算超值。
最值得讚嘅反而係啲侍應嘅服務同態度。收碟同冲水都幾勤快，到結帳時，無論個部長以至門口個知客都同我地講拜拜及多謝，真不錯。
![百里鮮海鮮火鍋酒家的相片 - 銅鑼灣)]()
![百里鮮海鮮火鍋酒家的相片 - 銅鑼灣)]()
![百里鮮海鮮火鍋酒家的相片 - 銅鑼灣)]()
![香煎蓮藕餅、蜂巢帶子茘茸盒、沙薑鮮雞腳 - 銅鑼灣的百里鮮海鮮火鍋酒家)]( "香煎蓮藕餅、蜂巢帶子茘茸盒、沙薑鮮雞腳 香煎蓮藕餅、蜂巢帶子茘茸盒、沙薑鮮雞腳")
![紅油抄手、燒肉生麵 - 銅鑼灣的百里鮮海鮮火鍋酒家)]( "紅油抄手、燒肉生麵 紅油抄手、燒肉生麵")
![雞包仔、蝦腸 - 銅鑼灣的百里鮮海鮮火鍋酒家)]( "雞包仔、蝦腸 雞包仔、蝦腸")
============================================
感謝 mjqueen7e 提供以上資料
mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong
============================================
