唔知大家會唔會想燒野食，一早去燒烤場霸爐，再自己call齊堆朋友去買野食呢？以前我會架，宜家比較忙喔所以去呢d燒烤場岩晒我！
如果有睇開我既「吃貨日記」都知我之前好推介起錦田「勁嘆」BBQ~ 由於地點有點遠，所以今次就試下元朗呢間「偉記」。
聖誕節關係，預早book定位，而節日關係加左價一人$160 ，由4:00 -10:00。
![暖笠笠BBQ - 元朗的偉記燒烤樂園)]( "暖笠笠BBQ")
呢到係做港式燒烤，入場價包一支水同一罐飲品。
取食物方面，分兩個器皿，一隻銀色碟放肉類，一隻膠篩子放丸類。
![偉記燒烤樂園的相片 - 元朗)]()
食物方面，款式夠。
![多種肉類, NON-STOP REFILL - 元朗的偉記燒烤樂園)]( "多種肉類, NON-STOP REFILL")
肉類方面，有豬頸肉/ 雞翼（中翼及全翼）/ 腎片/ 雞扒/ 牛柳粒/ 牛扒/ 豬扒/ 金莎骨.. 值得一提，食物醃料整體味道不錯，最起碼好似雞翼有分幾種味，燒完之後食都分得出邊隻係果個味 XD （點解我咁講，明明不同醃料，燒完全部都係同一個味, 唔知你地有無呢個同感？）
除左牛柳粒過咸之外，其餘食物都好食。
![偉記燒烤樂園的相片 - 元朗)]()
丸類方面，比較特別有「潮州白魚蛋」燒完有小小juicy, 魚蛋爽口！
![偉記燒烤樂園的相片 - 元朗)]()
其次，比較少有連「司華腸」都有得燒，我對丸類要求蠻高，以燒烤場計，呢到丸類質素屬中上，希望水準一直保持！
蔬菜類就不算多，有粟米同蕃薯。
![蕃薯~ 唔算好甜, 不過質感夠粉 - 元朗的偉記燒烤樂園)]( "蕃薯~ 唔算好甜, 不過質感夠粉")
蒜蓉牛油不算很香濃, 不過連蒜蓉牛油都有, 唔洗自己準備同額外買,算係OK! 可以燒麵包時用~~
![有蒜蓉牛油供應 - 元朗的偉記燒烤樂園)]( "有蒜蓉牛油供應")
估唔到, 燒到夜晚8:30開始會不定時有野派, 今日有紅豆沙/ 羅漢果水/ 蘋果~ 蘋果仲要大大個, 好新鮮~
大家都拎得好開心
![仲有糖水紅豆沙派~ 食得出加左陳皮, 加分! - 元朗的偉記燒烤樂園)]( "仲有糖水紅豆沙派~ 食得出加左陳皮, 加分!")
如果派既野唔岩食, 可以自費買甜品食, 糖水都有埋食完甜品可以直接番屋企 XD
![入面仲有菠蘿同其他甜品買~ GOOD 好方便 - 元朗的偉記燒烤樂園)]( "入面仲有菠蘿同其他甜品買~ GOOD 好方便")
燒到悶悶地, 仲可以比$玩呢D 遊戲, 不過我顧住食野, 就無玩喇
![有GAME 玩 - 元朗的偉記燒烤樂園)]( "有GAME 玩")
![岩晒大朋友, 小朋友~ ^^ - 元朗的偉記燒烤樂園)]( "岩晒大朋友, 小朋友~ ^^")
![有GAME 玩 - 元朗的偉記燒烤樂園)]( "有GAME 玩")
食物質素好, 食物味精不多, 食完唔會成日口渴!
有得燒野食之外, 仲有埋糖水等等派~
好滿足, 好歡樂的一晚 ^^
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
7
「After eat 吃貨日記」第128回 @偉記燒烤樂園 （元朗）
偉記燒烤樂園
香港競技場
海魂燒
G-fit
Hundred Party
白泥生態保育農莊 Natural Garden
HeBo BBQ 私人派對場地
漢拏山烤肉 (銅鑼灣店)