![傳說中既咖啡弄 - 尖沙咀的咖啡弄)]( "傳說中既咖啡弄")
是日，約定媽咪同表姐黎到試下^^ 一早知道呢到係長時間排晒大隊
所以，選擇平日5：30開始食我地既晚餐（成功避過排隊一幕 哈哈）
呢到開放時間由11：30 － 10：30 ，最後點餐時間就係（21：30）
預先有睇個下網友推介款式，循例睇睇就可以點餐了！
![Menu - 尖沙咀的咖啡弄)]( "Menu")
溫馨提示：呢到限一人要點一杯飲品
![「冰凍果茶$58 」 - 尖沙咀的咖啡弄)]( "「冰凍果茶$58 」")
「冰凍果茶$58 」以現切新鮮水果與古法鳳梨糖制作。味道方面，第一口嘗有點兒像橙汁，雖然伴壺掛著茶包，但茶味不算出，整體未算很驚喜呢！
![「冰草莓歐蕾$44」 - 尖沙咀的咖啡弄)]( "「冰草莓歐蕾$44」")
「冰草莓歐蕾$44」賣相不錯，入口蠻滑，草莓味道淡淡的，味道方面我覺得似市面上稀釋版既草莓乳酪。
![「OREA 碎片沙冰 $52」 - 尖沙咀的咖啡弄)]( "「OREA 碎片沙冰 $52」")
「OREA 碎片沙冰 $52」係三杯飲品入面最好飲既！OREA味突出，由於有好多碎碎OREA, 比較有口感喔！味道同樣調得不錯，而唔會覺得太甜～
嘻嘻，食甜品之前，當然我要試試大家推介既一些咸點先啦^_^
![「總匯三文治 $60」 - 尖沙咀的咖啡弄)]( "「總匯三文治 $60」")
![「總匯三文治 $60」 - 尖沙咀的咖啡弄)]( "「總匯三文治 $60」")
「總匯三文治 $60」一客三件，層層餡料不同，分別有雞扒、火腿、芝士、生菜、蕃茄&青瓜。麵包軟熟，伴少少醬汁，蔬菜新鮮，整體味道不錯&Match。食完三文治可以邊聊天邊食栗米片（大家可以試下:-P）
![「玉米里飢起司土頌 $62」 - 尖沙咀的咖啡弄)]( "「玉米里飢起司土頌 $62」")
「玉米里飢起司土頌 $62」牛角飽裡包著生菜、蕃茄、火腿，而最面層係芝士醬同碎煙肉粒&粟米粒。醬汁沒有芝士味，第一口咬落去，材料好易散開。有待改善～
噢！重點環節到了，係最期待一刻，甜品喔！
![「香蕉巧克力冰淇淋鬆餅 $54」 - 尖沙咀的咖啡弄)]( "「香蕉巧克力冰淇淋鬆餅 $54」")
![質感好實 - 尖沙咀的咖啡弄)]( "質感好實")
「香蕉巧克力冰淇淋鬆餅 $54」賣相確實很吸引相機食先^_^ 一客四件，味道確實令人失望，除左覺得件鬆餅，份量夠，很厚重外... 這鬆餅是沒有味道可言，形容得再真實點，像食緊無味既麵粉，鬆餅相當硬同實，之後唯有寄望旁邊吉士醬可以令味道提出來，結果，吉士醬有色無味咁，吉士不夠香之外，味道是很淡呢=_= （我唔推介）
![「法式草莓千層派 $42」 - 尖沙咀的咖啡弄)]( "「法式草莓千層派 $42」")
「法式草莓千層派 $42」千層酥感不夠，有點兒像餅乾，而吉士不夠滑及香濃，整體味道未達滿意。「 贏了外表，輸了味道。」
短時期內回頭率不高。
第一，等候時間一般較長，食物質素未算滿意同驚喜呢！
第二，由於限時90分鐘關係，確實有點兒趕。
第三，甜品有待大改善！
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
