屯門「小曼谷」出晒名又平又好食，黎呢到早d黎拎位係必需！哈哈，唔係有排你等呀。
三位女孩子，睇住menu 好多野都想食，一人點幾樣，話咁快成枱都係野食 ^_^
![「泰式生蝦」 - 屯門的小曼谷泰國美食)]( "「泰式生蝦」")
「泰式生蝦」，友人們大愛，生蝦加蒜片再點d泰式汁，佢地食到停唔到, 叫左兩碟！勁呢！（呢到多人點，所以唔怕唔新鮮）
![「泰式酸辣鳳爪$38」 - 屯門的小曼谷泰國美食)]( "「泰式酸辣鳳爪$38」")
「泰式酸辣鳳爪$38」涼拌無骨鳳爪，少少辣，前菜一流！
![「肉碎生菜包$45」 - 屯門的小曼谷泰國美食)]( "「肉碎生菜包$45」")
「肉碎生菜包$45」我至愛！肉碎辣辣地加埋泰式香料香氣十足，包住爽脆生菜食，正～
![「泰式香茅雞翼$25」 - 屯門的小曼谷泰國美食)]( "「泰式香茅雞翼$25」")
「泰式香茅雞翼$25」一碟四隻，即叫即炸，香茅夠入味 , 味道不算驚喜，不過雞翼大大隻幾抵食。
![「馬拉盞炒通菜$39」 - 屯門的小曼谷泰國美食)]( "「馬拉盞炒通菜$39」")
「馬拉盞炒通菜$39」惹味又香濃，味道屬中辣，食得多會覺得味道有d咸。
![「香煎薄餅$20」 - 屯門的小曼谷泰國美食)]( "「香煎薄餅$20」")
「香煎薄餅$20」一盤三片，即叫即制，配咖哩或者就咁食，味道同樣不錯呢。（呢個比較飽肚:-P）
![「泰式炒金邊粉$33」 - 屯門的小曼谷泰國美食)]( "「泰式炒金邊粉$33」")
「泰式炒金邊粉$33」雖然唔會有咩驚喜，勝在味道有點酸甜，調味岩岩好，次次都點！
![「串燒沙嗲$38」 - 屯門的小曼谷泰國美食)]( "「串燒沙嗲$38」")
「串燒沙嗲$38」一碟六串，有雞有豬，任均選擇。今次肉質偏乾，欠肉汁，食到停晒手，唔想encore=_=
![「椰青$28」 - 屯門的小曼谷泰國美食)]( "「椰青$28」")
![「青檸梳打$18」 - 屯門的小曼谷泰國美食)]( "「青檸梳打$18」")
喜歡跟朋友，開開心心，開懷大食一餐。 小曼谷是我們一個聚腳點之一，享受互訴近況每一刻。
朋友，友誼永固^_^
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
