每逢節日，一家人會外出晚飯，不過遇到大時大節，我地特點唔會起正日慶祝既，事關要比錢又要同人迫又要限晒時間
父親節，過左幾日我地選置元朗這間savour cafe 慶祝（係朋友介紹先知呢到有間正野^_^）
第一次光顧，位置不難找，沿住舊b仔直行到尾見到藍色招牌就岩喇！
餐廳有室內&室外地方可供進餐。
室外係咁既～
![Savour Cafe的相片 - 元朗)]()
室內就係咁既～ 天氣熱，我地坐室內呀。
![浪漫情調 - 元朗的Savour Cafe)]( "浪漫情調")
呢到所有意粉、pizza & 主菜 加$58 轉set , 有多個湯、小食、飲品。
由餐前麵包開始食, 又3款麵包分別係蒜蓉包、芝麻包同埋普通餐包，配橄欖油黑醋點嚟食～ 比較特別麵包藍有埋原粒焗蒜頭^_^
![Savour Cafe的相片 - 元朗)]()
今日有西蘭花忌廉湯同牛肉雜菜湯。第一次飲西蘭花忌廉湯估唔到係可以做到咁香濃而突出到西蘭花本身個中獨特味道，飲落好creamy~
![西蘭花忌廉湯 - 元朗的Savour Cafe)]( "西蘭花忌廉湯")
牛肉雜菜湯亦都值得一讚嘅除左呢個番茄味之外，真係會飲到牛肉本身個種香濃味。
![牛肉雜菜湯 - 元朗的Savour Cafe)]( "牛肉雜菜湯")
餐前小食，我地要左風乾牛肉沙律。風乾牛肉少食難以評價，而我鍾意食意大利嘅巴馬火腿多啲啦。
（再比我選，我會要番凱撒沙津 ：p)
![風乾牛肉沙律（黑醋汁） - 元朗的Savour Cafe)]( "風乾牛肉沙律（黑醋汁）")
主菜來到了！！
「黑松露野菌意大利飯伴法國鵝肝 $238」，賣相精緻，鵝肝表面煎得好香口，食落香脆，內裡嫩滑無比，很香喔！配呢個黑松露意大利飯食簡直係一流～ （心水推介）
![「黑松露野菌意大利飯伴法國鵝肝 $238」 - 元朗的Savour Cafe)]( "「黑松露野菌意大利飯伴法國鵝肝 $238」")
「烤焗澳洲牛西冷配黑松露燒汁 12oz $228」，廚師控制火喉好，我地要左6成熟岩岩好，鎖住肉汁，接近半生熟牛肉，肉汁豐富。
![「烤焗澳洲牛西冷配黑松露燒汁 12oz $228」 - 元朗的Savour Cafe)]( "「烤焗澳洲牛西冷配黑松露燒汁 12oz $228」")
![「烤焗澳洲牛西冷配黑松露燒汁 12oz $228」 - 元朗的Savour Cafe)]( "「烤焗澳洲牛西冷配黑松露燒汁 12oz $228」")
「法國芥茉香草包糠烤焗澳洲羊鞍 $208」。同樣要左6成熟，同樣烹調時間掌握好。嫩滑多汁帶一點點羊膻味點d法國芥茉，好正喔！
![「法國芥茉香草包糠烤焗澳洲羊鞍 $208」 - 元朗的Savour Cafe)]( "「法國芥茉香草包糠烤焗澳洲羊鞍 $208」")
（除左覺得呢到上菜時間太快之外，食物整體不錯）
餐飲可以轉特飲+ $10 ，轉左杯凍焦糖朱古力。焦糖同朱古力味蠻夾，味道唔會過甜。
![凍焦糖朱古力 - 元朗的Savour Cafe)]( "凍焦糖朱古力")
最後，點可以唔叫番個甜品作一個完美句號呢！？哈哈
「朱古力軟心布甸伴雲尼拿雪糕 $58」, 即叫即造，需時15-20分鐘，yummy yummy^^
![「朱古力軟心布甸伴雲尼拿雪糕 $58」 - 元朗的Savour Cafe)]( "「朱古力軟心布甸伴雲尼拿雪糕 $58」")
這裡服務不錯～ 到埋單，感到意外店員會細心一問：食物岩食嗎？ （很少在元朗搵西餐食，諗唔到整體質素比想像中好這麼多）
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
