岩岩食完MAMI煲既愛心糖水^^ 滿足完等我再同大家分享下以下啦~
一家人預早諗定黎季季紅食飯~~ (上年都係黎呢到, 哈哈, 所以已經知道差唔多做節時呢到晚市特別快FULL, 我地都做左兩個星期訂位)
餐食小食, 是豬耳, 女仔食多D唔怕, 骨膠原豐富~!
![餐前小菜 - 豬耳 - 屯門的季季紅風味酒家)]( "餐前小菜 - 豬耳")
蝴蝶腩豬肺頂菜膽湯 每煲$78
季季紅, 加加埋埋應該食過10次或以上, 呢個湯次次都會叫~
呢個湯起屋企唔會煲, 洗豬肺好難洗架~
出街飲就好了, 平日飲的確濃D, 做節期間飲呢個湯, 的確無平時咁濃咁好飲~
個湯唔會有肥膩感~ GOOD
![蝴蝶腩豬肺頂菜膽湯 每煲$78 - 屯門的季季紅風味酒家)]( "蝴蝶腩豬肺頂菜膽湯 每煲$78 做節個段時間黎食飯, D湯真係無平時飲咁濃~ 淡左D~")
![蝴蝶腩豬肺頂菜膽湯 每煲$78 - 屯門的季季紅風味酒家)]( "蝴蝶腩豬肺頂菜膽湯 每煲$78 一煲分到6碗左右~")
![蝴蝶腩豬肺頂菜膽湯 每煲$78 - 屯門的季季紅風味酒家)]( "蝴蝶腩豬肺頂菜膽湯 每煲$78 湯入面既豬肺 & 白菜")
乳香豬 (1/4隻) $150
D乳豬皮脆到卜卜聲, 最鍾意點埋個醬食~ ^^
個人幾推介呢到既乳豬, 原因真係皮脆肉嫩, 加埋D豬又唔會過瘦, 仲有D肉食~
![乳香豬 (1/4隻) $150 - 屯門的季季紅風味酒家)]( "乳香豬 (1/4隻) $150 D乳豬脆到卜卜聲, 最鍾意點埋個醬食~ ^^")
薑蔥焗爽蠔 $108
幾惹味, 不過蠔既質素一時時, 有時好大隻, 有時就細左D~
雖然蠔既SIZE時大時細, 仍有優點, 係蠔味十足~
![薑蔥焗爽蠔 $108 - 屯門的季季紅風味酒家)]( "薑蔥焗爽蠔 $108 幾惹味既, 不過蠔既質素一時時, 有時好大隻, 有時就細左D")
冰淋醬烤骨 $78
醬烤骨甜甜地, 咬落去啖啖肉, 平時既酒樓, 生炒骨 & 咕嚕肉多, 黎到呢到可以試下出面比較少食到既"冰淋醬烤骨" 有番D新意 一碟有5-7件左右~ 岩晒幾個人一齊SHARE黎食~
![冰淋醬烤骨 $78 - 屯門的季季紅風味酒家)]( "冰淋醬烤骨 $78 一碟有5-7件左右~ 岩晒幾個人一齊SHARE黎食~")
醬皇花枝翠蚌片 $98
呢個係唯一一個後悔叫既小菜,好差呀T,T
主角花枝翠蚌片, 完全無鮮味不得止~ 口感仲有D怪怪, 似食緊"素蚌片".......
![醬皇花枝翠蚌片 $98 - 屯門的季季紅風味酒家)]( "醬皇花枝翠蚌片 $98 花枝翠蚌片, 真係唔好食, 好差, 完全無鮮味~")
大勝雞 半隻$100
如果想清清地, 唔想食小炒, 可以試下呢個雞, 雞肉的確幾滑, 連雞胸部分既肉都OK~ 醃得幾入味~ D雞應該幾大隻下, 所以叫半隻睇落都唔少架~
![大勝雞 半隻$100 - 屯門的季季紅風味酒家)]( "大勝雞 半隻$100 雞肉的確幾滑~ 醃得幾入味~")
今次, 唔夠人數, 就唔叫得呢個"蝦禾米乳香豬"~ 若果人數夠8人以上, 真係可以叫黎食, 原隻乳豬上, 加埋放起豬入面炒過既蝦米飯, 吸收左豬既油份同精華, 的確好YUMMY YUMMY~ ***我的心水推介***
![蝦禾米 乳香豬~ - 屯門的季季紅風味酒家)]( "蝦禾米 乳香豬~ 如果有8人以上先好叫呀, 事關份量不少~ ^^ 有豬又有飯~")
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
