聖誕到了...
一早悠悠見到聖誕老人送既禮物,超開心呢
個傻豬真係有向聖誕老人許願架,佢單純可愛呢
今年又係屋企開Party啦
不過今年無乜大攪
只係煮個聖誕晚餐
一家人整整齊齊食返餐就算啦
下午姨媽同婆婆就尼到幫手揍住悠悠
我就可以專心整我既聖誕大餐
好彩前一日老公幫手做左好多準備
所以我只係三個鐘就攪掂晒啲野喇
今日菜單有 :
雜菜水果沙律
大蝦蕃茄濃湯
巴馬火腿配無花果
法包牛角包配芝士乾果
紅酒燴牛肋條
白酒蘋果焗豬扒
農舍批
香草脆玉瓜
法式焦糖燉蛋
跟住仲有聖誕蛋糕呀...
係半粟子蛋糕
入面夾心係士多啤梨
好飽時都唔洗話食咁多粟子嘛
啲粟子蓉係自己炒既
都真係幾煩,攪左好耐架...
雖然悠悠今日食得啲乜
只係比佢食啲包包呀,水果咁
但見佢咁有精神,
已經係一個好開心既聖誕了
