6 串得起

有朋友食過呢間串燒話正架，呢間<川燒>都好左一段時間喇，我都想黎食番次今日終於試左

地點好易搵起柯士甸西鐵站附近，不行不知附近都幾多野食..

一放工就好肚餓喇! 呢個名好正叫「爽歪歪魚皮」用上川香味加埋一塊塊厚厚又滑又爽魚皮

凍食加埋川式調味，又香又麻又辣，一客份量不少，推介！ 川味比平時食到薑蔥味更配合

朋友鐘意食海鮮，川香魚湯清酒煮花甲 ，天氣凍凍地，魚湯有少少辣飲完暖晒

用上魚湯煮花甲令味道鮮上加鮮， 花甲質素比預期高，非常鮮甜（花甲吐沙乾淨，值得一讚 ）

我除左鍾意食牛之外，羊就係第二最愛喇！燒羊架好大件好厚肉，羶味不算多

用上香草味調味，經過高溫後香草味出晒黎，火喉燒得岩岩好肉質仲保留少少粉嫩 ，咬起好軟滑，點埋黃芥末醬，好食！

有新鮮感之作，加左秋葵感覺健康左XD ，秋葵質感脆嫩，味道獨特 (秋葵對消化同腸胃都好好架)，配搭加入黑豚令口感豐富

新嘗試！鹽燒黑豚肉秋葵卷

我都明白鵝肝好肥，正所謂唔肥無人食，btw 鵝肝太難抵擋啦

脆多士配煎香鵝肝，鵝肝外脆內軟滑，甘香滑溜配脆多士你個感覺走埋一齊，夾~

川燒薄餅用左腐皮包住餡料蒜、芝麻、蔥，咬落去外層脆，內層好多水份。

對糯米做既甜品特別有好感，湯丸燒得脹卜卜，入口軟棉，仲有埋非常香濃芝麻餡，推介！燒芝麻湯丸

平日時間客人頗多，好岩一堆朋友黎，呢到可以飲下酒食串燒坐耐d傾下計。

================================

感謝Yan_PIG提供以上資料

Yan_PIG的網誌: http://www.openrice.com/zh/gourmet/reviews.htm?userid=151904&city=hongkong

================================