8 新嘗試 水準不俗 香港食到的福建菜

這間莆田已經開左幾間分店，所以約埋家人黎呢到食番個晚餐。地點相當容易找，就在荃灣廣場，餐廳蠻大燈光光猛，加埋暖系的裝潢，整個晚餐時間坐得很舒服。



這裡提供的原來是菊花茶，飲番一口無糖的菊花茶先慢慢睇下有咩食啦：）

前菜係蠶豆，是帶粉不是脆口的蠶豆，味道很獨特。

令我想起台灣的苦瓜汁，冰浸苦瓜 $48 切得長條形薄薄的，點一些蜂蜜令苦瓜的苦澀味感覺減少了，很易入口而且清新的前菜。

前菜之一的 九轉小腸 $78 用上白色盤點著洋蠋上枱，小腸可以一直溫熱，蠻入味的小腸，不過口感好似欠缺了一點爽口感覺，但值得一讚小腸食落不會覺得有肥膩感。



呢到有兩樣菜式，我很推介分別係 「百秒黃花魚 & 椒鹽豬手」

點解我會推薦呢？

用砂鍋上的 黃花魚 $68，魚相當新鮮，一食就知。食海鮮一定要新鮮先最好食，除左肉質嫩之外，呢個烹調方法更食到魚本身的鮮甜味，湯是精華一定要飲，正。（鍾意食魚一定要叫）

近期食過最好食的豬手，椒鹽豬手 $39 很有特色，除左本身煮得入晒味之外，豬手皮超脆薄，脆得卜卜聲，好回味，食落好香，唔會好多脂肪。（有提供埋膠手套，good)

這裡整體表現不俗，興化炒米粉 $78 米粉跟我地平時食的不一樣，柔韌性高，米粉有口感，加入大量芹菜 半肥瘦豬肉 蝦 蜆，而當中的脆紫菜令米粉畫龍點睛!

================================

感謝Yan_PIG提供以上資料

Yan_PIG的網誌: http://www.openrice.com/zh/gourmet/reviews.htm?userid=151904&city=hongkong

================================