0

健身美食雙劍合璧

mjqueen7e 於 2016-11-12 00:00:00 發表  |  累積瀏覽 850

分類:

攻略日期:2016-11-11

是次消費:每人平均約HK$ 206.00



「運動是為了吃更多美食」,相信這句說話是不少吃貨的座右銘。筆者對運動雖然並不熱衷,但每朝早也會做點柔軟體操。最近友人推介我試試位於觀塘的一間樓上餐廳,初頭還以為又是那些走小清新路線的工廈 Café,原來據友人稱,這間取名《Percent Kitchen & Fitness》的食店,無論環境和食物,都有別於一般食肆,把健身中心和餐廳結合於一身,晏晝主打有營午餐,而晚市菜式,由食物賣相以至味道亦絕不欺場,肯定能滿足一眾吃貨。











餐廳座落於開源道開聯工業中心,地方頗大,甫踏進店,即見內裡分成兩個不同區域。進門右手邊是運動中心,入面擺放了不少健身器材。據負責人稱,客人可以透過功能性訓練、伸展練習,以至拳擊運動等,塑造完美體態;而目前健身中心就設有團體班及教練一對一課程。





至於另一邊的用餐區,裝潢看起來雖然是有點簡單,但地方明亮舒服,椅桌擺放得整齊企理,加上到訪當晚,食客不多,兩口子可以靜靜地享用晚餐,整體感覺亦蠻不錯。



晚市的菜式很簡單,à la carte menu 只有四個項目可供選擇,包括沙律、意粉、主菜和甜品。至於 Set Dinner 方面,款式亦不多,主菜二選一,可以揀法式燒羊架或紅酒燴豬仔脾,定價劃一為 $158,包餐湯、沙律、主菜及飲品。由於沒甚麼心水,所以決定請店員代為推介,服務員提議套餐先揀客燒羊架,再散點店裡的招牌菜燒豬手,應該足夠二人分享。

是日餐湯是黑松露野菌忌廉湯,成品端上後,立即舀起一匙試試,黑松露香氣迫人,味道濃郁,而且湯汁頗為稠杰,加上打爛的粒粒野菌,增添咬口,水準的確唔錯,令人食慾大增。



頭盤煙三文魚沙律,碟頭雖然不大,但沙律菜非常新鮮爽脆,而且面頭的煙三文魚很煞食,夠厚身又大片,仲卷成燦爛的玫瑰花狀,賣相吸引。煙三文魚頗滑身,食落夠鹹香,唯一可惜就是沙律入面沒放進香脆可口的麵包粒,否則食味更佳。







主菜方面,套餐嘅法式燒羊架配蜜糖薄荷醬 ($158) 先送上,羊架共有兩大件,而且旁邊還伴以薯蓉、意大利青瓜及黃瓜等,分量十足。切開羊架一看,肉呈鮮嫩粉紅色,入口柔軟香滑、肉汁豐盈,完全沒羊騷味,而近骨位油脂亦非常豐腴,配蜜糖薄荷醬好夾!







至於散點的燒原隻德國豬手 ($168),成品放上桌時,一看,豬手分量大得驚人,而且碟上更放了不少薯角和三款醬汁,包括辣醬、沙律醬和油醋汁,睇頭十足。拍過照後,本來提議麻煩店員拿回廚房,請廚師代為切件,但老公一力承擔,說要自己動手,見佢把豬手解體時,雞手鴨腳的樣子,真係唔知好嬲定好笑。叉起一塊入口,豬手食味果然不俗,皮脆肉香,鹹度剛好,而且脂肪不多,絕對無一般豬手的肥膩感。





跟餐飲品點了西洋菜蜜,另外加咗杯特飲桂圓紅棗茶 ($48),前者菜蜜,西洋菜味夠濃,甜度亦頗適中;而後者桂圓紅棗茶,嗒落既甜美又滋潤,而且非常暖胃,很適合冬季容易手腳冰冷的朋友飲用。初頭還以為主菜點了兩款都是肉,會很漏滯,想不到原來這兩道菜式,味道都幾輕盈,啱曬一眾愛吃但又要 Keep Fit 的女生。


================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong


================================

鐘意SeeWide的分享,給我們一個Like吧!
  • 攻略日期:2016-11-11
    攻略地點:N/A
  • 攻略時間:N/A
    是次消費:每人平均約HK$ 206.00
0人比"掂"

最多能輸入300字

210
2016
218
2015
167
2014
226
2013
183
2012
204
2011
233
2010
顯示更多

累積瀏覽 425131

全部攻略 1441

全部回應 27