7 冬至快樂@海港

早在11號莫家已一早吃了冬至飯，地點選了中國染廠大廈的海港酒家。

新開不久的海港酒家，內裏地方很趟大，但枱亦都擺得十分逼夾。

我們一家點了冬至宴，不需三千蚊已經有龍蝦，蟹肉竹笙海皇大生翅及乳豬全體，睇落都好似好豐富咁喎！

每席都會奉上橙汁兩渣及紅酒一枝，我哋一家都冇人飲酒，所以將佢換成六罐汽水，另外橙汁亦可以將之轉為紅莓汁。

第一道菜係上湯焗波士頓龍蝦，份量有三斤之多而且仲有伊麵底添， 龍蝦肉質都幾爽彈吃得出係新鮮貨色，上湯味道就不過不失啦！但我還是喜歡芝士焗龍蝦多點。

接著係喜慶金豬全體?， 乳豬略嫌皮燒得不夠香脆，可幸的是豬肉不會過鹹。

戒掉魚翅良久的車媽媽將蟹肉竹笙海皇大生翅交予車爸爸殲滅，但係這翅份量都幾足，車爸爸最後吃了三大碗呢！?

西蘭花蝦球炒帶子，帶子和蝦球都鮮甜爽口，加上炒得剛好的西蘭花同埋清甜嘅三色椒呢個菜幾吸引我呀。

清蒸沙巴龍躉?，呢條龍躉就蒸得過熟了，講到蒸魚好多人真係唔及車婆婆撚手呢！

松露帶子花姿盞，初時還以為落錯上檯，因為佢個名叫盞，但係原來係丸來的！?

呢粒海鮮丸炸得幾香口，內裏的帶子同魷魚幾鮮味，不過車爸爸好唔好彩食咗一粒入邊係未熟的?，但係我哋咁多人都冇事喎！佢真係要買六合彩呀哈哈?

本來菜單係海港醬燒雞我哋將佢加$280轉為燒鵝一隻，記得數年前海港的燒鵝很出色，不過好可惜時移世易呢隻燒鵝一D都唔吸引我囉！皮不脆肉不夠香好失望！?

反而鮑螺片扣鵝掌呢一味就甚得我歡心喇?！鵝掌炆得啱啱好淋滑得嚟具咬口，而且非常之入味，不過芡汁味道有點Over如果唔係就更加完美了！

最後嘅甜品係歡樂紅棗糕，紅棗味頗香濃，不過就略嫌佢比較黏牙！

指定動作要同我家莫大小姐自拍一張啦，真的大個了大個女了轉眼已經十二歲亭亭玉立，姑姐沒法不認老了！?