久違了的二人飯聚，小機生日飯，因為約在假日，安心起見決定約食Lunch，揀左係銅記食，特意來這良心小店，台灣過江龍Mamaday cafe，因知店子深受歡迎好早已訂定位，用餐時間1.5小時，以銅記來計，店子位置比較靜，但唔算好隱世，因都幾近時代廣場，樓上cafe來的，樓梯兩旁已十分有趣。
餐廳門口，大家試下先啦。
餐廳裝潢玩味十足，牆上的經典人物及句子好攪笑，而店子近窗口的位置，佈置了乾花、小盆栽及小擺設，配合暖色燈光，感覺輕鬆寫意。
Memu，菜式名都好有趣。
提拉米蘇聽過未，$56，tiramisu食得多，飲未試過，飲落堅係tiramisu 味，幾有特色呢。
燒過既玉桂好鬼香，$56，友人的，有好強烈的玉桂味。
明太子薯條(S)，$45， 本身好喜歡明太子，見到有必揀，明太子份量適中，薯條香脆夠熱幾好味。
唔好抱咁大期望蒲燒鰻魚蛋包飯，$118，+$28升級原條鰻魚，個名戴晒頭盔，真係咁⋯咩？先講下個賣相，好得，大條鰻魚，肥美甘甜，不俗，滑蛋飯夠香，份量多，幾美味呢。
蕎麥麵沾魚露配美利堅合眾國草飼肉眼扒，$152，好特色的配搭，肉眼扒煎得恰到好處，口感有嚼勁，蕎麥麵爽口，沙律菜清新。
玩味十足的店子，環境舒適，食物味道不俗，良心小店必支持。
銅鑼灣霎西街28號必發大廈1樓
