星期日得閒啲可以整吓嘢食, 今次整嘅係餃子. 以前我同謝菲係加拿大讀U時, 間唔時, 我都會整吓餃子, 但自從搬咗返來香港後, 就一直都沒有再整, 鬼咩, 出街食仲平過買料自己包, 加上出去食方便咁多, 自己包餃子絕對係要有閒情逸緻至可以做!
今次整咗三種口味嘅餃子:
1) 傳統白菜豬肉餃
2) 自創冬菇紫菜豬肉餃
3) 番茄雞蛋餃
冬菇紫菜豬肉餃係謝菲至愛, 而番茄雞蛋餃係早前睇電視學, 味道清清地, 都ok. 經過我同謝菲兩個人, 用咗接近1hr不停咁包, 終於包咗將近70隻, 哈哈哈!!! 之後仲要煮及煎啲餃子, 雖然用好多時間準備, 但係咁好味都無所為!!!
同埸加映: 媽咪就整焦糖燉蛋, 好食又唔難整, 一個食完後會覺得好滿足的甜品!
