車輋小學有三班一年級,每班22人,開頭九日(連星期六)返0830-1230, 之後23號開始返全日,不過車輋可以返屋企食午飯,所以返學時間係星期一至五,0830-1230 然後 1400-1600。由於小學可以選擇喺學校食定返屋企食午餐,我哋住得咁近,加上車輋三年幼稚園都只係食主菜一的飯麵,從來都唔會食主菜二的肉(是的,幼稚園的餐單已經有兩個course),每日俾成七歐元淨係食pasta,返屋企好過啦!一年飯錢已經等於我同車輋返香港來回機票!(大家唔洗擔心,佢喺屋企有食肉的)
講返車輋第一日返小學,佢之前已經講咗好多次驚,不過前兩日開家長meeting我哋帶埋佢去,咁佢已經見過老師們,又去過課室,個心應該定D。今朝等開門時見返D幼稚園同學,又開心多D啦。
最驚喜的係學校竟然有個老師化身成小丑去歡迎新同學,小丑老師仲同車輋合照,一時間好似去咗主題公園!
車輋,但願你每日返學都開開心心,媽咪會同你一齊加油的!唔係講笑,佢開始要做功課,即係我都要一齊學啦,大家一齊加油!
感謝 Grace 提供以上資料
Grace的網誌 http://heartsoupkitchen.blogspot.hk/