2011-6-25
好耐都冇update 過哩個網誌分類啦~ 因為搬左屋, 個廚房感覺上冇以前咁好用, 所以一路都懶得開爐...............
直至這幾天, 查爸要去上海公幹..........想起好耐都沒有給他驚喜, 於是, 就想親手整野食給他, 其實我知道他很想我煮飯比佢食, 但這個: 只得一個打邊爐既電磁爐既廚房, 我真係冇咩心機去試囉........飯.....煮唔到............唯有整蛋糕啦~
好耐冇整, 所以星期五放工買好材料後, 就即刻返屋企開爐
▼準備整個海綿蛋糕先!!!
▼ 喔...........NO! 點知失敗左!!!
好驚呀........點解呢.........之前我係出面學既方法係升得起架喎! 點解用左第二個食譜就唔得呢????
經我上網睇左一輪之後, 原來我出去學時係要加" 乳化製" 之類既化學野, 但我宜家個食譜係完全天然食物, 唔使用化學野升起個蛋糕.........
於是, 我上網重新學一次整海綿蛋糕, 並用左"分蛋法"~
▼ 第二日再整, 終於成功啦!!! YEAH!
海綿蛋糕成功之後, 就可以整芒果芝士蛋糕! 芒果茸我自己整架, 冇買現成!!
之但係..............我衰收尾...........最後唔記得落魚膠粉!!! 果一刻真係好想喊.........
第二Cake>>>>>>
好彩! 其實我仲預備左另一款蛋糕食譜同材料, 再整過!!!
▼ 再準備整益力多士多啤利慕士蛋糕!!!
▼ 今次所有step 做啱, 個樣好似OK 喎!!!
▼ 第二日成功脫模
去機場接左查爸之後, 就返屋企high tea.....
▼ Honeymoon 時買既Harrods tea bag!
▼ 先試吓個失敗cake! 上面果層有魚膠粉.......下面果層冇!!! +____+
▼ 查爸話失敗都好好食 *v*
▼ 其實啲味係OK 架!
▼ 之後試成功既益力多士多啤利慕士蛋糕!!!
▼ 查爸話最欣賞果層海綿蛋糕!
嗯..........今次算係成功啦, 不過我都係鐘意芒果多啲, 最衰失敗左少少.........下次再努力! 最後, 以上食譜都係哩自"韋太"的, 佢個網仲有埋video 教人, 真係學左唔少呀!!!
韋太烹飪教室
感謝 查媽美子 提供以上資料
查媽美子的網誌:http://littlemaychi.blogspot.hk/
