2009-9-7
今日, 又同阿女去學餅, 但今次唔係去二記, 而係去左搵怪C夫呀~
地點係旺角, 都非常之方便, 方字形大枱, 大約10個人圍邊坐, 同怪C夫好接近
怪C夫, 中佬一名, 大肚dump, 肥Do Do, 行為果然係怪, 全晚爛gap 不斷放送
不過今晚實左太攰, 其實都唔係好知自己做緊乜, 怪C夫做完一個step, 我地就跟住做
怪C夫係等我地做step 既時候, 又係爛gap 不斷放送, 我做step 既同時, 都要比下面笑下, 都真係好忙架~
今晚我都真係算雞手鴨腳, 因為太驚啲野彈上黎, 所以煮燶左啲吉士, 都係怪我少煮野食之過...........
怪C夫見狀, 立即過黎幫拖, 可惜為時已晚, 佢不斷話, 冇野既, 冇問題, 吉士燶左唔會苦既, 冇問題.........多謝你既安慰呀, 怪C夫........
▼ 香芒雪花卷(上) & 綠茶草餅(下)
▼ 又係靚女配靚餅既時候啦~
感謝 查媽美子 提供以上資料
查媽美子的網誌:http://littlemaychi.blogspot.hk/
