今日0向office 食到煨蕃薯，可以0向office 食到煨蕃薯已經好估唔到，最估唔到係d 蕃薯係staff 自己煨架囉！
呢度真係好多好野食，糖水、豆腐花係常客，但煨蕃薯真係第一次，完全估佢唔到，真係鋪炭透爐煨囉！無講笑架！雖則我無份整，但望住佢地整已經好興奮喇！
特別呢輪都唔少野忙，忙碌一輪可以享受到咁正0既煨蕃薯，真係令人感動！
真係即煨即食架，燙手到要用幾層廚紙囉！
真係好正，脆卜卜0既皮一揭開就係軟綿綿0既蕃薯肉呢！
好甜好香，冬日下暖暖0既蕃薯，特別好味！
p.s. 就因為office太多正野食，先可以肥左咁多囉！不過咁，為左呢度0既美食，我真係好願意繼續做落去囉！哈！當然，除左野食，0向度做野其實都唔錯0既！
