由 大仁生活 於 2014-07-24 01:36:19 發表 | 累積瀏覽 5213
攻略日期:2014-07-23
是次消費:每人平均約HK$ 125.00
繼朗豪坊的Melody Cafe, 銅鑼灣希慎廣場14樓的WIRED Cafe一樣變身熊本熊Kumamon Cafe, 其實, 最終香港會不會所有Cafe都會變成主題餐廳呢?
2011年3月隨九州新幹線開業誕生的Kumamon, 聞說他一上任便當上「熊本縣營業部長」. 阿太說:「希慎有Kumamon Cafe, 己訂位啦!」正!! 不用排隊, 有訂位服務真真真好, 今晚我們一家三口就去銅鑼灣搵部長陪食飯. YEAH~YEAH!YEAH~
限時90分鐘進食的老規矩, WIRED Cafe也不例外. 其實為免Walk-In食客等得太久, 也是應該的, 因為門口真的堆滿約20人排隊等入座的朋友.
不過, 門口有拍照景點, 可以解解悶. 這亦是全Cafe唯一一隻3D部長, 今晚撞到朋友, 她借了Kumamon頸巾給阿囝作道具拍照. 正!!
店內比較暗, 絶對配合Kumamon身體的顏色.
我們先來一杯由周麗淇代言的Kagome 蕃茄汁, 加上兩片小檸檬, 我們是為了這美麗的玻璃杯而點的. 阿太問店員玻璃杯售價多少呢 ? 店員答:「不好意思, 暫時E度無得賣...」少少失望~
接著拉花Latte來了....嘩!!~!~~三人三口同聲:「點解隻Kumamon咁嘅??」我覺得似出水豆, 阿太說:「生滋」, 阿囝竟然大大聲:「好核突呀!」
店員聽到回應:「唔好意思, 可能廚房比較忙, 有少少失準, 咁...不如我同你換過一杯」當然好, 哈!第二杯終於見回真正的熊本熊啦!
其實, WIRED Cafe的食物質素較其他Cafe為佳, 這個溫泉蛋忌廉意粉已經又香又好食, 加入溫泉蛋令意粉變得好好味, 最怕太似糊仔的忌廉.
再來就是限定的KAGOME茄汁熊本蛋包飯, 看!!印有部長的碟盛著靚靚的綠色沙津, 黃色蛋, 紅色蕃茄汁, 橙色的飯, 配撘靚到不得了, 如果蛋有流醬的話, 那就更加完美.
最後就是限定熱香餅, 哈哈! 當然又是為了熱香餅上的Kumamon才點這甜品吧!!傳統的熱香餅, 勝在醬料供應齊全, 如果可以多加一球雪糕, 有小朋友一定更加開心, 阿太說:「好食喎...真係又鬆又軟,好食過Melody多多聲」
Kumamon忠粉朋友結帳後過來閒談:「有冇睇到Kumamon隻碟...(有!中間有個Kumamon瞓緊覺麻)唔係呀! 點解係2010年而唔係2014年嘅呢? 可能好值錢架」不過, 經理說非賣品, 朋友只好回家上網找找另外一個收藏的途徑吧!
每吃一份Kumamon限定食品, 餐廳就會送一個小襟意, 加上我們向店員要求杯墊, 他們竟然找來不同款式:「有好多款架, 我都唔知齊唔齊, 畀晒你哋啦...」嘩!! 結果今晚「又食又拎」非常滿足地離開希慎.
Wired Cafe (銅鑼灣店)
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)