親子活動~~包餃子

有一次係屋企同悠悠整肉鬆包

包餡後,悠悠唔識整成圓型

每個佢都整到成隻餃子咁

佢一邊整仲有邊話好似包餃子

但我從來無係佢面前包過餃子

唔知點解佢會知

見佢包餃子咁有板有眼

今日就尼個真正既包餃子啦

 

好奇怪..行晒成間超市同成個街市

都買唔到餃子皮

於是.....DIY...真係考到我...

我查實好似無正式包過餃子

仲要自己搓餃子皮.....

連食譜都懶搵

就係咁...打天才波...

 

麵粉..加水..加小小鹽..加小小油...

分量? 隨意...唔太乾又唔太濕就係架啦...哈哈

 

 

再搓成長條型..切開一粒粒...(我見過北方人係咁架)

 

跟住拍啲粉..碌扁

唔好太薄會好易穿..又唔好太厚會好難食...

 

 

 

跟住包入今日既餡~~豬肉粟米鮮蝦

第一個look~~~

 

 

另一個包法,你中意邊個呢?

出尼味道都一樣啫...kaka

 

 

用滾水煮熟,點蒜蓉黑醋食..一流~~~~