我愛吃又香又滑的 - 有機芝麻糕.
因為黑芝麻可以明目,令秀髮更烏黑!
但睇報紙多左,開始知驚嘞!
原來白髲都事小.最多咪個個月染髲.(係煩又洗錢,又浪費時間,更怕傷皮膚)
不過,甩頭髮有個地中海就事大呢!
我都係趁早護理一吓,人人都啱食!
我喜歡買紹香圓有機黑芝麻. 35 一包,半磅裝(.已經磨碎,唔使煩,要冇糖果隻)
食譜 剛好可做一個膠模,共8 件
1. 25 g 黑芝麻粉 + 150水拌勻至滑身. ( 即是1份黑芝麻,對6 份水.)
2. 15g 鮮奶 + 1 茶匙栗粉拌勻.
3. 28g馬蹄粉 +45g水拌勻過篩備用.
4. 130g水 + 60g砂糖,,先拌勻,再煮至糖溶.
做法:
1. 先做4.再加3邊倒邊攪拌勻.
2.倒入 1 料.拌勻. 慢火煮成稀糊.
3.加入 2快手拌勻.
4.最後加入 5g 菜油拌勻. (有d食譜係落麻油,,不過我覺得陣味太濃)
倒入模大火蒸 20分鐘至熟. 放涼,雪凍仲好味!
剛蒸熟時,有點像糖不甩,
我以為唔熟.再蒸都係咁樣子!冇可能脫模!
心想,唔通又係失敗之作.
呵呵!原來放涼之後,芝麻糕會自動凝固.
(我諗住要(不)出來吃架!)
我都係一個幾心急 ge 人,脫模的時候,糕還有些少暖呀!
其實,應該雪凍先脫模,容易又靚d tim!
累積瀏覽 947314
全部攻略 1125
全部回應 1618