8 長途拔舌

近來好似少咗食自助餐咁喎！係時候要出山減肥喇，久休復出緊係要揀間正斗的來賀一賀佢啦！就揀了我第一次去港麗酒店的咖啡園 Garden Cafe 。

今次要來吃的是酒店仲夏主題自助晚餐，星期一至四成人＄598/小童＄378，星期五至日及公眾假期成人＄668/小童＄398，酒店這月份推出匯豐信用卡65折優惠優惠按此連結即時抵食得多了！

價錢就抵咗好多不如等我帶大家睇睇有什麼美味食物供應吧！在凍海鮮區一眼看到有琵琶蝦車媽媽心已樂透了因為這種海鮮是我十分喜歡吃的，其餘還有青口、麵包蟹、開邊龍蝦、鱈場蟹腳及大蝦陣容也不少呢！

芝士有4款選擇看見有Pepper Boursin就知今晚同桌的J小姐必定很開心啦！因為這是她的 Favorite Cheese。

Cold Cut款式唔多有煙三文魚、沙樂美腸，德國凍肉腸及谷巴火腿，貴精不貴多各款都甚具質素對於我夠滿足了！

生果就十分豐富有哈密瓜、蜜瓜、我大愛的菠蘿及西瓜另外還有原個的布冧、蘋果及提子等全部都新鮮非常，這夜我吃了超多菠蘿因為真係又甜又香用來襯Ham簡直係妙配呀！

現成沙律亦有十分多選擇黑椒煙鴨胸、牛展、泰式海鮮沙律、希臘沙律、鴨胸沙律、蜜糖芥末牛肉沙律、另外還有青口蕃茄莎莎及吞拿魚，唔好話我知您揀唔到一款鍾意食㗎！

沙律菜區亦有數款選擇而且更有大碗給客人自己混製沙律很貼心！

而其他沙律配菜更加是色彩斑斕款式眾多見到都好開心呀！

沙律油醋汁醬亦都唔揸流灘款式眾多，鍾意酸的、甜的、鹹的悉隨專便，最緊要挑選到合自己的口味。

日式美食方面有日式叉燒烏冬或拉麵，還有三款湯底可選包括麵豉湯、雞湯及豬肉湯冇藉口唔吃呢！

日式溫泉蛋漲卜卜的好吸引！另外還有酥炸吉列生蠔這個也不容忽視呀味道十分不俗的。

當然唔少得有刺身這夜有兩款選擇，另外每晚七點半更加會有師傅現場生劏平政魚一陣再為大家介紹啦！

當然另外還有壽司卷物供應不喜歡吃刺身的朋友不用使擔心冇選擇啦！

另外還有即場燒製的章魚燒及鵝肝燒，不過這夜美食真的太豐富最後我都冇試到！不如你哋試完話返比我知好唔好食吖！

另外大大舊的燒肉當然唔少得！除了燒牛扒外這兒還多了燒英國豬柳合晒我哋呢啲唔食牛肉的客人！

不過這夜的驚喜肯定就是這個海南雞飯，影相時已見到雞肉嫩滑非常好鬼吸引！一陣再話比大家聽究竟有幾咁好食啦！

接下來的熱食包括有印度咖哩蘭度豆及印度咖哩雞，仲有泰式炒河粉充滿亞洲風味。

而中式美食就有豆酥帶子、蠔皇炒時菜、黃金炸蝦球、紅酒牛尾燴豬柳、西式則有大蝦長通粉、香草燒新薯、蜜糖燒南瓜及香煎鱸魚。

最後還有豉汁炒美國蜆和勁惹味又夠辣的椒鹽炒龍蝦！

這有燒味部分今日供應的是叉燒及白切雞，不果怎也被海南雞搶盡風頭。

本來在池畔的燒烤區這夜因有客人包場所以移師入餐廳內，但同樣精彩美食包括有燒牛仔骨、羊架、大頭蝦，還有燒肉腸、燒鱸魚及惹味燒雞翼，另外還有Pizza供應呢！

酒店的甜品就會將餅店轉化成自助甜品區，諗起都開心而且這樣又會更加衛生吃得更放心了！

自取的有香甜好吃的士多啤梨杯，粒粒嫩紅好誘惑呢！

最驚喜莫過於酒店自助餐內竟然有即製雞蛋仔，除咗原味更有朱古力味而且質素不比專門店 的差喔！！

餅櫃內這個柚子豆腐蛋糕最為吸引我！果然味道確實一流。

另外還有和果子及其他蛋糕、燉蛋、芒果布甸、白酒啫喱及櫻花奶凍。

最後當然唔少得雪糕這夜有四款Movenpick供應好開心啊！

一口氣介紹完咁多美食車媽媽都肚餓啦！我唔客氣先來一碟沙律菜主角當然係我最愛的Ham加菠蘿組合啦！

凍海鮮方面全部被我取回來麵包蟹的爆膏柔軟甘香，青口軟淋又鮮甜，龍蝦更鮮嫩可口而我最愛的琵琶蝦無奈哋即時被比下去了！

每樣熱葷取了少許來試，每樣味道都幾平均呢！

你都每晚7時30分大廚會即席現場生劏美味平政魚，這時候大家身軀亦蠢蠢欲動到餐廳中央欣賞大廚的表演。

大廚用純熟的刀法三兩下手勢已經將平政魚宰割好，而每位客人亦都魚貫哋乖乖等候師傅送上兩片刺身，當然覺得好吃可以再去排隊取多一轉，確實新鮮生劏的平政魚刺身肉質彈牙味道鮮甜，絕對值得再去排多一次呢！

吃完鮮甜的平政魚刺身這一刻就要吃全晚我認為最美味的海南雞飯，先講雞肉嫩滑有肉香令嘴巴感動，繼而那口油飯充滿香氣但絕不油膩，配合三色醬同吃絕對令人忘記自己身在自助餐中！

另外還試了大蝦長通粉這個通粉又做得幾al dente喎！而且還有不少我喜歡的火箭菜，另外我還取了一片豬柳師傅聰明的左中央加了西梅吃起來口感清爽多了！

這個時候飲番碗濃香的忌廉蘑菇湯基本上已經飽到上心口了！不過我總會留些位置吃精緻的甜品嘅！

首先要吃的是最矚目最有仙氣的青檸雪葩，每一客都是即場製作極盡視覺享受，吃下去味道也十分清爽酸香的青檸雪葩再配香甜芒果成件事好似去咗泰國一樣喔！

而更特別的是這兒有即場製作的雞蛋仔，我這天就試了朱古力口味跟街頭風味沒兩樣，外脆口感加入內軟的香香朱古力味道好容易就食多幾件㗎啦！

當然我亦都唔會忽略餅櫃內的美味甜品，閃電泡芙是我最愛的無可能不吃！估不到質感也做得十分不錯呀，另外生果撻造型迷你一口一個都唔會太飽肚呢！

以下兩件甜品是我高度推介的！第一款是黑森林蛋糕充滿酒及朱古力香味質感棉密滑溜，絕對是高質素的黑森林蛋糕，不吃絕對是您的損失啊！

而另外一款就是這個白酒啫喱蛋白球，微甜的蛋白球配上質爽滑滿帶白酒清香的啫喱，入口層次豐富甜味跟酒香恰到好處是超水準之作！差點忘記通知大家這個自助餐是由六點吃到十點半，大家真係唔好食午餐去因為這一個絕對是長途跋舌之旅喔haha~