7 玩味小店

Las Vegas車媽媽暫時未有機會去遊歷！不過Little Vegas我前晚就走咗一轉喎！！

我講緊是在銅鑼灣的玩味小店Little Vegas，餐廳裝潢極具玩味，連餐牌也特色過人！

今晚就約了9位豬朋狗友！呀係知心好友先真！來擊退Blue Monday哈哈.......... 

餐牌玩味十足菜名教人遐想好攪鬼呢！睇完心情即時大好呢呀！

Rainbow Six是餐廳新出的特飲！這夜持著人多一於叫盡6杯來品嚐！6色包括有藍莓、青蘋果、香橙、紫薯、菠蘿及士多啤梨口味嘅梳打，上面仲有日本明治牛奶雪糕及香滑忌廉，賣相很美喔！ 大家估下我要了什麼顏色！

相信不少人也估到我必選紫薯味！喝下紫薯味不算濃，但香滑的忌廉加上牛奶雪糕總令人心花怒放的！

先點上餐湯和小食高興吓先！法式龍蝦湯＄62有估不到的驚喜，味須超級香濃但也可口不澀，哇！紫色既紫薯湯＄52這色調必定KO我，湯味香甜有幽香的紫薯味很不錯，最後的野生牛肝菌忌廉湯＄58即時比下去了！

左是耐人尋味焗雞翼＄78，餐牌表示味道是甜甜地gum lor，確實又真係甜甜地喎！而且都好脆身，另一客是優雅的玫瑰雞翼＄74，雞翼上淋上玫瑰糖漿香得來唔假不錯啊~

薯仔蛋沙律雪Go＄78/3件，這賣相足以令我沒法抗拒，不過味道也不錯呢！真確的薯蓉令我的嘴巴回到初心，踏實的口味跟花巧的造型一點衝突也沒有！

焗波特菇＄84夠Juicy吃下很軟滑，如果芝士可以再香口些應更加美味！

主菜我喜歡其中的這款秘製醬汁焗豬肋骨＄188，酥淋的豬肋骨加上惹味的BBQ醬很吸引，配菜炸薯角也香脆粉淋很正喔！

主食點了邪惡的明太子忌廉天使麵＄98份量超多很大碟呢！明太子的辣度已被忌廉溶化成香甜汁醬，加上木魚香氣和風感很濃。

從來缺水的我忍不了好友們的誘惑，點了這巨杯秘密花園水果茶＄68，生果味道香甜茶香不澀又真係正喎！

一見有香蕉賭船＄68童年回憶即時湧現，可選三球雪糕我們選了紅豆、芝麻和海鹽，雪糕須沒大品牌的味道，但這童年味道也夠我樂上一整夜！