0

伊豆5天自駕遊(Day 3)

大力 於 2012-04-06 00:00:00 發表  |  累積瀏覽 7639

分類:海灘 長線旅遊 餐廳 特色景點 ;地區:其他

Day 3 : (御宿きむらや旅館「つわぶき亭」- 松崎町花田 - 堂島 - 白浜海水浴場 - 下田駅 - 培利路 - 下田大和館)
 




朝早起身就到大浴場浸浸, 男女兩個浴場按時互換.


露天風呂半户外式, 可以見到海景, 一個人浸晒超舒服.


 



浸完溫泉回房間早餐巳準備就緒, 真開心.






勁豐富嘅溫泉早餐大晒冷.





日本伊豆牛奶 - 必試名物, 香滑濃.


 
蕃茄沙律 - 清爽.





燒竹筴魚一夜干 - 外脆內軟, 鹹香鮮味.








冷豆腐 - 豆腐口感軟棉棉似Mousse, 好香滑.






煮地魚+燒魚片+山葵漬物 - 送飯一流.





燒玉子卷 - 香軟甜美.








八爪魚刺身 - 爽口夾鮮味.



花蟹味噌汁 - 鮮味好飲.



地道漬物 - 清新爽脆, 尤其係山葵枝葉漬, 極正.





酒店門口行出少少已可見到遠遠嘅富士山.



Check out 後就向伊豆南方下田出發, 沿路見到一排櫻花樹, 地上滿報櫻花碎, 空中飄來的櫻花瓣如雨雪落下, 終於可以一睹"花吹雪"嘅難得景象, 真係絕景.


停低落車慢慢欣賞.





樹上櫻花正盛開, 又大又密, 勁正.






向下田沿途再行多一陣, 又遇到另一盛開嘅櫻花樹群, 仲有花田添, 一於停車睇睇, 最後睇番書先知原來呢處係好著名嘅"松崎町花田".



滿天嘅櫻花海加上地面嘅油菜花, 一白一黃色彩鮮明, 令人心曠神怡, 靚絕.



途經景點之一"堂島", 可乘船逛遊覽海力水侵蝕而成嘅巨大洞窟同三四郎島. 我地冇預時間玩, 影完相就走人.



跟住就去旅遊書推介嘅"漁師料理ゑび滿"開餐, 主打伊勢海老の漁師天丼.



入門口就見到生猛活伊勢海老同榮螺.



呢間"漁師料理ゑび滿"座落於海傍邊, 擁有無敵靚海景.






伊勢海老の漁師天丼(¥2,980) - 必食名物, 用上半隻新鮮伊勢龍蝦, 香脆鮮味加上爽口嘅肉質, 配合其他蔬菜同惹味嘅醬汁, 滋味無窮, 天下無敵.



伊勢海老味噌汁 - 肉鮮甜, 湯好飲, 勁正.





另一2012年店長推介"おすすめ定食"伊豆三昧(¥1,500), 超值.




"おすすめ定食"伊豆三昧 - 刺身三点, 油甘魚入口甘香爽滑油份充足, 鯛魚軟熟鮮味, 甜蝦肉鮮甜爽脆, 蝦膏同蝦子甘香海水味濃, 超新鮮.





"おすすめ定食"伊豆三昧 - さざえフぽ燒, 燒榮螺, 肉爽甜有咬口, 湯汁鹹香鮮味, 正.






"おすすめ定食"伊豆三昧 - 天婦羅, 大蝦與蔬菜新鮮香脆, 地魚好特別, 外脆內軟, 啖啖肉
都鮮味無比, 非常優質.





"おすすめ定食"伊豆三昧 - 魚頭味噌汁, 魚頭魚眼含有勁量Omega 3魚油, 營養豐富好味道, 人間極品.




食完午餐再向下田出發, 途經著名景點"白浜海水浴場", 名副其實水清沙幼.






從高處望下, 水清澈見底, 珊瑚礁密集, 可以喺度潛水就無得頂啦.







好快就到左下田市, 黑船就係下田市嘅標記.



第一站先到黑船サスケハナ遊覽船乘り場check吓航班時間表, 當時超大風, 驚會暈船浪所以無玩, 影吓隻船就算啦.



日本海上保安廳嘅巡邏艇都幾型仔.



跟住就到下田駅, 傍為下田魚市場, 下午已經收市了.



下田駅土產店, 早上會有"山の朝市".




下田駅土產店, 大量土產同海產售賣, 尤其係關於金目鯛嘅產品.



跟住再去另一景點"培利路", 喺下田嘅石板街道漫步, 感受吓歷史氣息, 不過我地就覺得不太特別.




"培利路"內嘅了仙寺都有櫻花睇.




行完"培利路"就去下田駅. 呢間網元德造丸喺伊豆好多分店. 我地喺下田駅傍嘅土產專門店入左D手信.



伊豆急下田駅火車已經有50年歷史, 新舊火車頭形成强烈對比.




今日全日行程完畢, 尾站就到溫泉旅館"下田大和館"check in. 呢間旅館喺南伊豆相當出名, 一泊兩食(¥37,800).




一入旅館門口已經被窗外嘅無敵海景+大沙灘+大群滑浪人仕所吸引, 超正超舒服.



坐低就有專人埋黎幫我地Check in, 仲奉上櫻花茶同櫻花和果子, 真開心.



每位女仕均可自選唔同花款嘅和式浴衣, 真窩心.



房間好寬敞, 又大又舒適.




仲有戶外露台, 超正無敵景觀.


 
喺房間Hea 左一陣就到大浴場浸浸, 男湯女湯按時互換.




展望大浴場外有個露天溫泉, 遊艇式設計好特出, 觀景開揚.



旅館尚有一山頂露天風呂[雲母], 要忍凍行上卅幾級樓梯先至到. 不過一定要黎睇睇同浸浸呢個位於伊豆半島最南端, 眺望太平洋絕景嘅露天風呂.



浸完溫泉坐吓按摩椅, 從頸到腳都按晒, 坐到唔寫得走, 超爽引. 



返房間喺露台坐吓睇吓日落等開飯, 真寫意.



約好左時間開餐, 七點就到餐廳, 廂房門口已印有自己的名字, 條娃娃魚好Q.



有埋料理長嘅菜單, 好細心.



食前酒, 輕身清爽易入喉.




酢の物替り - 櫻鱒砧卷+葛素麵+陸蓮根とろろ+防風, 賣相精美, 新清又開胃嘅小食.




多户の宴 - 春の裝い, 見到都開心, 好睇又好食.



春の裝い - 三文魚子伴椰菜苗, 鮮味. 



春の裝い - Mousse cake 甜甜地好軟熟.



春の裝い - 燒紅豆綠茶年糕, 煙煙韌韌, 梅花和果子, 香甜夠特別.



春の裝い -  炙燒地魚壽司, 夠鮮味.




炊き合せ - 里芋+飯蛸櫻煮+つゐ菜+菱蕪+蕨+花弁人参, 有D唔知係嘜, 總知好食就得.



御椀 - 白味噌仕立て(白麵豉魚肉煮), 蔬菜沾了白麵豉醬超和味, 魚肉Mousse軟綿綿, 入口即化, 香鮮味美.




八海山清酒(¥850), 食刺身最好就係飲清酒架啦.



海の惠 - ここいらで獲れたお魚と伊勢海老の盛合せ(刺身盛合)



海の惠 - 鯛魚姿造, 超級新鮮同優質, 薄切魚肉晶瑩剔透, 爽甜鮮香味美.



海の惠 - 鯛魚姿造, 厚切口感比較爽滑, 無論配薑蓉或生磨山葵, 同樣甘香鮮甜.



海の惠 - 魷魚素麵, 刀工幼細, 爽滑鮮味.



海の惠 - 伊勢海老刺身, 原隻上保證新鮮, 入口鮮嫩甜美, 超豪嘅享受.




かまどのゐ - バタ一風味の鮑の蒸一燒き(鮑魚陶阪燒), 點火後將清酒淋上鮑魚身, 鮑魚即左右舞動, 蓋上燒焗10分鍾即成. 



まどのゐ - べタ風味の鮑の蒸燒き(鮑魚陶阪燒), 切片後入口軟熟, 帶點淡淡鮑魚清甜味, 滿足.



燒物 - 鰆春霞燒+筍ホの芽燒+牛口一スアスパラ卷, 燒魚香鮮, 上面一絲絲嘅野增加口感, 燒春筍入口爽嫩清香, 燒和牛露筍卷, 牛肉香口惹味, 露筍爽脆多汁, 口感豐富, 天下無敵嘅組合. 




鄉の味 - こつてり甘辛く煮付けた金目鯛(原條金目鯛醬油煮), 必食地道名物, 魚肉煮得好入味, 入口鹹鮮軟熟, 餸飯餸酒都一流, 勁滋味.



甜品係自助形式, 生果蛋糕糖水樣樣齊超豐富, 咁就完成一餐大滿足嘅完美溫泉大餐.



食飽飽後, 行吓旅館大堂, 售賣店都幾多野賣架.



今晚食得太飽, 無再浸多次溫泉就返房覺覺豬也.


瀏覽人數 :



無料カウンター

感謝 大力 提供以上資料

大力的網誌: http://www.daileghk.com/

鐘意SeeWide的分享,給我們一個Like吧!
  • 攻略日期:N/A
    攻略地點:其他
  • 攻略時間:1日以上
    是次消費:N/A
0人比"掂"

最多能輸入300字

高級探險員

累積瀏覽 259744

全部攻略 332

全部回應 21