好似懶咗好耐,無乜烘焙出品
焗爐都停工咗好一段日子了...
回想初初接觸烘焙既時候,我既瘋狂程度
係每晚制作兩款食品
個時真係狂整,跟本就整到食都食唔切
係為想整而整,唔係為想食而整
慢慢好多種既烘焙食品都做過之後
熱情就冷卻左啲了
不過....我唔會就咁停晒工既
雖然平日要返工,返到屋企又夜,做唔到啲乜
不過我仲有星期六日呀
夏天尼到..最好就係做麵包呢
個個柔軟既麵團,加入南瓜同蜜糖既香氣
淨係搓,都感覺到個種美味...
加埋小紅莓,簡單入模做成吐司
切片直接食得,連醬都唔洗搽,已經好夠味了
仲有另一款小食
係悠悠要求整啲曲奇比佢帶返學校開生日會
諗下..小朋友..最好食健康啲
於是整左個加左粟米片同乾果既曲奇
入口脆卜卜,乾果又有啲煙韌韌韌韌
小朋友實中意
悠悠同學有口福了!
