生日飯，有家人幫你準備，煲靚湯大家齊齊飲，一定比出面索價幾千元每人得一碗湯的更好更珍貴。
今次嫂嫂燉呢個花膠鮑魚雞湯更是落足料，淨係見到燉左一日，都已經流曬口水及十分滋陰養顏。
材料：
鮑魚10隻 （我們用急凍的，不用太大隻）
花膠8大條
雞一隻
枸杞 適量
龍眼肉 適量
淮山 適量
處理，
1. 雞洗淨斬４件，雞用水滾後汆水。花膠用水浸一晚洗淨，鮑魚解凍洗淨，枸杞，龍眼肉，淮山洗淨。
2. 我們家用大燉鍋，所以加入清水加所有材料用大火燉１小時後轉中火２小時後轉最細火由他燉5小時或直至食用時。
3. 飲用時下鹽調味即可。
呢個就係花膠鮑魚雞湯的做法，無燉盅就用大火滾一小時後轉細火三小時或以上，入味即可。不要開太大火，唔係好快無曬湯。
我們家喜歡盛起湯渣食用。不過今次有鮑魚花膠，當然不要浪費，一雞兩味啦，整個蠔皇花膠鮑魚拌唐菜
十分簡單，材料就是煮好的花膠鮑魚，小唐菜，蒜粒，蠔油。
1. 燒熱水，加１茶匙油，１茶匙鹽，加入洗好的小唐菜烚熟盛起擺盤。
2. 依次將花膠擺到菜上，之後放鮑魚。
3.燒熱鑊下油，加入蒜粒炒香，加入兩湯匙蠔油，炒勻，加入 已攪拌的生粉加水，打好芡後倒在花膠鮑魚拌唐菜上。
感謝 絲房菜 提供以上資料
絲房菜 的個人日誌: www.siciwonderwall.blogspot.hk/
