2011年10月8日
之前有講過點樣紥四手辮，唔好以為係紙上理論，真係紥到出嚟架，不過豬扒妹D頭髮唔係厚，又唔算好長，要紥四手辮馬尾只會係變成一條豬尾，所以就退而求其次，幫佢紥咗呢個兩條四手辮仔加馬尾。
首先左右各梳一條四手辮，呢次係一邊由前面抓一束，分成三份，織一組後加入第四份頭髮，依照四手辮方法織，我大前提係要唔遮住豬扒妹對眼，所以我係以法國辮方法由前面加入頭髮，直至前額頭髮完全拼入辮中，之後就以四手辮方式去續織至尾。
當完全兩邊兩條小辮仔後，將餘下頭髮束成一條馬尾，加入兩條鬢辮，綁個頭花即成，不必一定要除下綁緊兩條小鬢辮的橡皮筋，可以見到兩條小辮仔亦是一個款式。
感謝 花旗太太 提供以上資料
花旗太太的網誌:http://rosemaglive.blogspot.hk/
