朋友仔話想去睇宮崎駿展
約左一齊係沙田午餐
其中一個朋友話屋企有好多罐吞拿魚
不如尼個簡單野餐
好..野餐我最like..又平,又好玩,又可以比我煮吓野
野餐帶乜野食好呢...上網睇下
大家不外乎三文治,魚旦燒賣,鹵水雞翼,菠蘿腸仔
帶吞拿魚既朋友負責三文治
另一唔下廚既朋友負責水果零食
咁我就自然係負責蔬菜同肉類啦
野餐,當然唔會食熱辣辣既野,去到都凍啦
咁不如整凍食既野啦
但又要諗埋食物當日朝早整,唔可以太煩覆喎
所以我諗左以下兩款
一個係凍菠菜
只係水加小許鹽油煮熟菠菜,剪細,
加埋我係沖繩帶返尼既即食醃制海帶絲
攪勻左,壓成小圓球,加啲芝麻係面就攪掂,再附上芝麻醬
出發前,用保冷袋加包冰種,去到食個時啲菜仲係凍冰冰,
係熱屎辣辣無晒胃口既時候,佢真係一個開胃菜呢
去到我叫啲小朋友食菜先,佢地個個都唔太願意,
但食過就個個都再添食呢...
另一個就係蜜糖焗雞搥
早一晚先醃好,第二朝拎出尼煎香
搽上蜜糖,再放入200度焗爐焗熟就完成
包上鍚紙放便大家拎住食
食飽就出發去博物館
不過真係如我所料啦,買入場票條龍打幾轉蛇餅
我地帶住咁多小朋友,無能力排啦
改左去兒童探知館玩下算了
我上次野餐，都係整罐頭菠蘿腸炸
果日我地去野餐，親親大自然，我地諗住再自由d，d菠蘿腸仔，係自助餐形式，即開即自己吉
