雖然佢哋失意咗歐冠, 但好彩係英超表現回勇, 車仔又成日打和, 終於可以提早攞錦標...我哩個曼聯迷當然高興到不得了...足足等咗3年啦....
初時以為今年可以重演99年三冠王翻版, 可惜失意於AC米蘭....唯有期望佢足總盃啦.
最近, 日日唔願出街, 皆因留係屋企睇"溏心風暴". 單睇D老戲骨做戲已經值, 司棋姐真係無得頂, 夏雨, 米雪, 關菊英...全部甘草變主角, 反而班後生仔就好似無咩發揮. 淨係覺得陳豪演嘅細鮑D動靜真係好似我朋友蘇民峰, 佢平時真係又係同細鮑一樣好鬼馬啦, 幾日前同PETER講, 佢話佢都無時間睇電視...
後生中可以講黃宗澤BOSCO做得最好, 雖然佢係我嘅舊男友, 但絕對無偏幫. 佢D戲都好搶. 比心機!!!
講開佢, 同佢分開咗到而家都好多年, 亦都好少講起佢. 不過有樣嘢, 我係想講吓...就係話佢軟飯王哩樣...
我哋大約01年尾02頭倒拍拖, 只係拍咗五個月. 當時佢對我都算係噉, 佢媽咪, 分居嘅爸爸, 契姐, 契媽我都見過晒, 佢都有見我媽咪. 仲成日去佢屋企食飯...佢當時做緊eyt, 雖然收入唔算太多, 但每次食飯大多數佢都會比錢, 當然我哋會食d平嘢...佢都有借過我車揸, 但男女朋友哩d好正常唧, 又唔係比佢攞去...
佢係比較無咩交帶, 始於當時都係細個啦...可能我又嫌佢比唔到安全感我, 佢又嫌我煩...大家就分開咗啦...噉多個男友哩個分手係最痛, 自閉咗成3個月(對於我嚟講好多啦...haha), 又唔見人又唔出街, 到後尾去日本睇完世界杯旅行完番嚟先正常番...點解噉痛? 可能係大家係分手時有d誤解, 以至不歡而散啩...
分手後大約年多, 都有係一個disco撞過佢, 當時大家都無嘢啦, 好開心. 見到面仲一齊玩"骰盎". 同上次"龍虎門"首映慶功, 都撞到. 不過我同我前男友一齊, 無一齊玩...
好笑, 係大約3年前, 竟然經朋友介紹下識到話佢係吃軟飯嘅Heidi, 佢開頭唔知我識Bosco, 都有同我講佢d嘢, 話佢哋一齊時bosco真係一豪子都無出過...最後, 我都有同佢講我同bosco拍過拖, 但唔係噉...佢即刻問我係咪做股票? 原來佢係bosco朋友口中聽過我, 聽聞我都有比佢"握"錢...我話無囉, 起碼佢都好主動食飯比錢...大家拍拖有時邊個用多錢, 邊個用少錢, 好難計. 最緊要佢唔係現兜兜問你攞錢, 同平時出嚟次次都要你比錢就得...佢問我有無見過bosco家人, 我話有. 佢同我講佢無見過囉...我話heidi, 可能佢嗰時唔算太認真啦, 你明知佢用你錢你仲要縱佢係咪自己攞嚟啦...
所以你問我, 我唔覺得佢係軟飯王囉. 不過做男友, 佢係無咩安全感...可能而家大個仔佢又變好咗啦...起碼佢同胡杏兒都拍咗好耐拖啦(我估)...
不過佢一定係一個十分孝順嘅仔, 佢對佢媽咪好好, 佢哋感情好好, 佢媽咪都好nice. 佢媽將全部心機放晒係佢身上, 希望佢努力d, 報答aunt啦...
============================================
感謝 玻璃朱Bonnie 提供以上資料
玻璃朱Bonnie的網誌: http://www.bonniechucity.com
============================================
